Sudah kah Toba mempersiapkan pendidikan yang cukup tu akka parsikkola
Opini
Posted by
Sian akka na borhat na sian toba i, akka ise ma menurut hamu naung berhasil gabe sukses di rantau ? Molo ta ida do akka natua - tua ta naung sukses mungkin godang do na boi gabe contoh misal na Luhut Panjaitan, TB Simatupang, TB Silalahi, Efendi Simbolon, Hotman Paris Hutapea, Adian Na 70, dohot akka na asing dope.
Halak on akka pangaranto na sian Toba Samosir nikku ma jo, na jolo didok Tapanuli. Halak on akka generasi Batak na maju, generasi siboan goar ni habatak on. Tudia pe nasida mangalakka nga dijungjung be goar ni batak i, gabe sondang jala torang ma nian ngolu nasida, unang songon lae ta si Gayus Tambunan, nga gabe sega par marga Tambunan alani imana. Memang to ho do imana berhasil di karir na, alai manangko hepeng ni negara, dang sitiruon ta na songon i ate akka dongan.
Kembali ma jo hita muse tu kecukupan ni pendidikan na dimiliki generasi batak sian Toba an ! Sudah kah Cukup untuk bersaing di luar, nga margogo pendidikan na dipelajaran ni akka naposo na di huta i? Aha ma hira - hira alus na.
Bah molo menurut au do, dang cukkup dope pendidikan na di Toba i, boasa !? Ala godang dope akka pangaranto na ro sian Toba na so mangantusi perkembangan ni teknologi si nuaeng.
Bah nian molo nga lulus sian STM manang sian SMA nga boi nian menggunahon Excel manang Word, nang pe dang mahir alai paling tidak nga dikenal imana nian alat i. Hape aha ma na tabereng si nuaeng, godang dope na so mangantusi on.
Godang dope na so mengenal, alai molo nisukku BBM, Fesbuk bah nomor sada, hape molo na songon on mellep do barang i hahaha...
Alai dang 100 % salah ho non nasida, ala selain faktor sian diri ni akka parsikkola i, faktor na sian luar pe paling dominan mempengaruhi tingkat pengtahuan na do.
Sada na porlu sigarisbawahonon ima Metode pengajaran dohot kurikulum na binanen ni akka pangajar na di Toba on songon dia ma bentuk na ? Nga meneraphon prinsip - prinsip teknologi na baru ? Metode i boi do mengikuti perkembangan jaman, manang Metode i sian taon tu taon sarupa do ?
Ikkon alusan ta ma on sada - sada sian akka parsikkolaan ta na jolo di Toba, coba di cek kembali.
Asa berkembang SDM ni generasi berikut na, porlu ma update na baru sian hita akka naung mangaranto tu akka na di huta, tarlumobi pendidikan.
Pendidikan ikkon nomor satu ma nian di bangso batak, asa gabe bangso sitiruon, bangso si andalhonon, bangso panutan, jala bangso na gabe panondang. Asa siap bertarung dimanapun !