7 Umpasa Na Pas Tu Dongan Na Baru Marbagas
Umpasa
Posted by
Biasana kata - kata ni naposo tu dongan na na baru sohot bah Selamat menempuh hidup baru, Selamat memulai keluarga kecil baru, Selamat menjalin rumah tangga baru. Holan i ma akka perkataan na umum sian akka naposo tu dongan na naung baru mangoli manang muli.
 |
| Baru Mangoli |
On ma Umpasa Na pas tu na Baru Marbagas :
Dakka ni arirang, peak di tonga ni Onan
Badan muna naso jadi sirang, tondi muna marsigomgoman.
Giring-giring ma tu gosta-gosta, tu boras ni sikkoru
Sai tibu ma hamu mangiring-iring, huhut mangompa-ompa anak dohot boru.
Rimbur ni Pakkat tu rimbur ni Hotang,
Sai tudia pe hamu mangalakka, sai tusi ma dapot pansamotan.
Sahat solu, sahat di parbinsar ni mata ni ari
Leleng hamu mangolu jala di iring - iring Tuhan ganup ari
Mangula ma pangula, dipasae duhut - duhut
Molo burju marhula-hula, dipadao mara marsundut-sundut
Ruma ijuk tu ruma gorga,
Sai tubu ma anakmuna na bisuk dohot boru muna na lambok marroha
Andor hadukka ma patogu-togu lombu,
Sai sarimatua ma hamu sahat tu na patogu - togu pahompu.
On ma 7 umpasa na pas pasahaton tu akka dongan na baru marbagas, ala umpasa on sabotul na sederhana do, nian dang na mandok ikkon mar umpasa hita setiap mandok hata, alai na porlu siingoton ta ikkon boi ma hita manjaga jala mewarisi budaya naung dipajolo ni akka natua-tua najolo.
Tarlumobi di akka pangaranto asa unang lupa di akka pandohan on.